Алтынсарин ауданында жазғы мектептер жұмысқа кірісті
Бүгін, 26 мамырда ҚР Білім және ғылым министрлігінің бастамасымен ұйымдастырылған Жазғы мектептер өз жұмысын бастады.
19 маусымға дейін барлық бастауыш және жоғары сынып оқушылары сабақтарда білімдегі олқылықтарды толтыра алады, практикалық тұрғыдан қарауды қажет ететін күрделі тақырыптар бойынша терең жұмыс жасай алады. Бұл ретте үлгерімі нашар адамдарға ерекше көңіл бөлінеді, негізгі пәндерге баса назар аударылады. Алдын ала проблемалық тақырыптарға талдау жүргізілді, сабақ кестесі жасалды.
Партада-тек оқығысы келетіндер, жазғы мектепке қабылдау ата-аналардың немесе заңды өкілдердің өтініші бойынша жүзеге асырылады.
Жазғы мектептерде оқыту тегін негізде жүргізіледі, оқушылар сабаққа еркін нысанда қатысады. Жазғы мектептерде үй тапсырмалары жоқ, сабақтар ойын, экскурсия, бірлескен жобалармен жұмыс түрінде өткізілуі мүмкін. Педагогтар мен оқушылар өмір мен денсаулықты сақтау үшін санитарлық қауіпсіздіктің барлық шараларын сақтайды.
Педагогтер пәндерді жазғы демалыс кезеңіндегі әдеттегі жұмыс шеңберінде тарифтеу бойынша жүктемені бөлуге сәйкес жүргізеді, жазғы мектептердегі жұмысы үшін мұғалімдер өздерінің тиісті жалақысын алады. Мұғалімдердің дәстүрлі демалысы жазғы мектептердің жұмысы аяқталғаннан кейін басталады.
