Дені саудың - жаны сау

Дені сау болу – кез-келген адамның табиғи қалауы. Дені сау және рухани дамыған адам бақытты: ол өзін жақсы сезінеді, жұмысынан қанағат алады, өзін-өзі жетілдіруге, жастық пен сұлулыққа қол жеткізуге тырысады.

Белсенді және дені сау, үйлесімді дамып келе жатқан адамды біз бала кезімізден бастап тәрбиелеуіміз керек. Дені сау баланы қалыптастыруда оның тамақтануы ерекше рөл атқарады.

Алтынсарин ауданында 16 шағын орталық және 4 бөбекжай жұмыс істейді, шағын орталықтар мен бөбекжай тәрбиеленушілерінің жалпы саны – 488 бала.

Қостанай облысы әкімдігі білім басқармасының "Алтынсарин ауданының білім бөлімі" ММ мектепке дейінгі ұйымдар тәрбиеленушілерінің тамақтануына мониторинг жүргізді. Мектеп әкімшілігі оқушылардың ыстық тамағын ұйымдастырады, асхананы жалға алушы санитариялық талаптарға сәйкес ас блогында сапалы және қауіпсіз тамақтануды қамтамасыз етеді. Күн сайын көрнекі жерде, дұрыс тамақтану бұрышының жанында ата-аналар бүгін баланың не жегенін білуі үшін мәзір ілінеді. Мәзір – бұл оқушылар мен ата-аналарға арналған ақпарат, сондай-ақ асхана жұмысының бағдарламасы. Мектеп асханаларында оқушылардың тамақтануының ғылыми ұйымдастырылуын көрсететін циклдік мәзірді қолдану ұсынылады.

Қазақстан Республикасы Денсаулық сақтау министрінің 2017 жылғы 17 тамыздағы №615 бұйрығы «Мектепке дейінгі ұйымдарға және сәбилер үйлеріне қойылатын санитариялық-эпидемиологиялық талаптар» санитариялық қағидаларын бекіту туралы бойынша күн сайын тамақтану рационына ет, сүт, сары май және өсімдік майы, қара бидай және (немесе) бидай наны, көкөністер және қант қосылады. Балық, жұмыртқа, ірімшік, сүзбе, құстың еті күнтізбелік жеті күнде бір рет қосылады.

Таңғы ас ыстық тағамнан (бірінші немесе екінші) және ыстық сусыннан, жұмыртқа, сары май немесе ірімшік қосылған бутербродтан тұрады. Екінші таңғы асқа шырындар, жемістер көзделеді.

Түскі ас салат, бірінші, екінші (негізгі ыстық тағам еттен, балық немесе құстан) және үшінші (компот, шай, шырындар және кисель) тағамнан тұрады. Пісірілген және жас көкөністерден күрделі емес салаттар дайындалады.

Бесін асқа ас мәзіріне кремсіз тоқаш немесе кондитерлік бұйымдармен бірге сусынды (сүт, қышқыл сүт өнімдері, шырын, кисель және басқалары) қосады.

Кешкі ас көкөніс (сүзбе) тағамынан немесе ботқадан; негізгі екінші тағамнан (ет, балық немесе құс), сусыннан (шай, шырын, компот және кисель) тұрады. Екінші кешкі ас ретінде қосымша жемістерді немесе қышқыл сүт өнімдерін және кремсіз тоқаш немесе кондитерлік бұйымдарды қосады.

Тамақтандыру арасындағы интервал 3,5 – 4 сағаттан аспауы тиіс. Жекелеген тамақ өнімдерін ауыстыруды "Балалар мен жасөспірімдерді тәрбиелеу мен білім беру объектілеріне қойылатын санитариялық-эпидемиологиялық талаптар"санитариялық қағидаларын бекіту туралы" Қазақстан Республикасы Үкіметінің қаулысымен бекітілетін өнімдерді ауыстыру кестесіне сәйкес бөлінген қаражат шегінде жүргізуге рұқсат етіледі.

Алтынсарин ауданының мектепке дейінгі ұйымдарында екі апталық мәзір әзірленді. Жыл сайын қаңтар айынан бастап әкімдіктің қаулысымен жан басына шаққандағы қаржыландыру мөлшері бекітіледі.

Анықтама: Білім және ғылым министрлігінің пікірінше, Білім берудегі жан басына шаққандағы қаржыландыру оқу процесіне, интернеттегі жұмысқа, ағымдағы және күрделі жөндеуге жұмсалатын шығыстарды жабуға мүмкіндік береді. Жан басына шаққандағы қаржыландыру шешетін басты мәселе: қаражаттың жетіспеушілігі жойылып, ата-аналардың негізсіз жоғары алымдары жойылады. Есептеу үшін әдістеме пайдаланылады, оны ҚР БҒМ 2017 жылғы 27 қарашадағы № 597 бұйрықпен бекітті. Қарастырылған формулалар бүкіл ел үшін бірдей, бұл әртүрлі мекемелердегі тең емес қаржылық жағдайды жояды.

2019 жылы бір балаға күніне тамақтану бағасы 287 теңгені құрады, бұл 1 балаға сапалы және толыққанды тамақтану үшін жеткіліксіз болып табылады. Қазақстан Республикасы Денсаулық сақтау министрінің 2017 жылғы 17 тамыздағы № 615 "Мектепке дейінгі ұйымдар мен балалар үйлеріне қойылатын санитариялық-эпидемиологиялық талаптарға қойылатын санитариялық қағидаларды бекіту туралы" бұйрығына сәйкес "Алтынсарин ауданы әкімдігінің білім бөлімі" ММ мектепке дейінгі білім беруді толыққанды және сапалы тамақпен қамтамасыз ету мақсатында (2020 жылғы 1 қаңтардан бастап) ата-ана төлемақысын көтеруге мәжбүр. 3 жастан 368 теңге, 3 жастан 5 жасқа дейін 429 теңге).