Адалдық сағаты

Адалдық сағаты өтті.

«Парасаттылық» сөзі адалдық, әділдік, әдептілік, жауапкершілік, ар-намыс сияқты көптеген адами қасиеттерді қамтиды. Аталған құндылықтарды қоғамда насихаттау сыбайлас жемқорлыққа қарсы қызметтің басым міндеттерінің бірі болып табылады. Осы мақсатта, Қостанай облысы сыбайлас жемқорлыққа қарсы күрес жөніндегі департаментінің ақпараттық хаты негізінде Ы.Алтынсарин атындағы Обаған орта мектебінде адалдық сағаты өтті.

«Адалдық сағатының» негізгі мақсаты — өскелең жас ұрпақтың өн бойына адалдық, парасаттылық, әділдік, сенім құндылықтарын сіңіруге және жас буынның рухани болмысын бекітіп, сыбайлас жемқорлыққа қарсы мәдениетін қалыптастыру.

 Іс шараға Алтынсарин ауданы әкімдігінің ішкі саясат және мәдениет бөлімінің басшысы Кикимов Д.Ж., аудандық тілдерді оқыту бөлімінің директоры Абенов О.С., айтыскер ақын, жыршы, ардагер қария Алпысов Н., мектеп басшысы Ахмадиева Н.М. және мектеп мұғалімдері қатысты.Адалдық сағаты барысында оқушыларға парасаттылықтың негізгі қағидалары жеткізіліп, адалдық , шыншылдық тақырыбында мағлұматтар беріліп, бейнебаяндар көрсетілді.

Жас ұрпақтың парасаттылық қағидаларын жүзеге асыруда және таратуда, қазақстандық патриотизм рухында жеке тұлғаны тәрбиелеуде және сыбайлас жемқорлықты қабылдамаудағы маңызды рөлі атап өтілді.

Арайлым Ахметжанова

Ы.Алтынсарин атындағы Обаған орта мектебі

тәрбие ісі орынбасары

Алтынсарин ауданы