"Nauryz Art" байқауының қорытындысы шығарылды
2022 жылдың 10-14 ақпан аралығында Алтынсарин ауданының білім бөлімі "Nauryz Art" балалар бейнелеу және сәндік-қолданбалы өнер жұмыстарының облыстық конкурсының аудандық кезеңін өткізді.
Байқаудың мақсаты: балалардың эстетикалық тәрбиесін дамыту және балалардың көркем шығармашылығына жәрдемдесу; білім алушылардың шығармашылық тұрғыдан өзін-өзі жүзеге асыруына жағдай жасау; жас таланттар шығармашылығында стиль мен үйлесімділік сезімін қалыптастыру. Байқауға ауданның 9 мектебінен 50 оқушы қатысты. Байқауға 10 сурет және 40 қолөнер ұсынылды. 25 жұмыс облыстық конкурстың іріктеу кезеңіне жіберілді.
Аудандық кезеңнің жеңімпаздарын білім бөлімінің әдіскерлерінен құрылған конкурстық комиссия анықтады. Комиссия алдында конкурсқа түскен жұмыстардың көркемдік деңгейін бағалау қиын міндеті тұрды. Барлық жұмыстар үлкен шеберлікпен, ұқыптылықпен және шынайылықпен орындалды.
Қазылар алқасы барлық қатысушылар мен олардың жетекшілеріне байқауға қатысқаны үшін алғыс білдіреді.
