Адалдық жолындағы бастама интернатта

    ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің бастамасымен сыбайлас жемқорлықтың алдын алу мақсатында бірқатар жобалар жүзеге асырылуда. Соның бірі, "Адалдық дүкені" бастамасы Обаған орта мектеп жанындағы интернатта ашылды.

    Ашылу салтанатына Алтынсарин ауданы әкімінің орынбасары Садыков Рустам Рыспаевич пен білім бөлімінің басшысы Мамаева Арайлым Серікбекқызы қатысып, лентасын кесті. Дүкеннің ашылуына кәсіпкер Ахметов Қайрат қол ұшын берді.

    "Адалдық дүкені" жұмысы өзіне-өзі қызмет көрсету жүйесі бойынша ұйымдастырылды. Мұнда оқушылар өздеріне қажетті заттарды алып, алынған тауар үшін ақшаны кассалық жәшікке қалдырып, есеп айырысады. Яғни, дүкенде сатушы жоқ, затты сатып алушылар өз-өздеріне қызмет көрсететін болады. Мұндай дүкенді ашу оқушыларда жағымды моральдық қасиеттерін, соның ішінде ішкі парасаттылық пен адалдықты тәрбиелеуге бағытталған. Бұл игі іс Тәуелсіздік мерекесі қарсаңында Обаған орта мектебінде жалғасады. Интернат оқушылары мұндай дүкеннің ашылуына таңданыстарын жеткізіп, жастарға білдірілген сенім үшін ұйымдастырушыларға, интернат ұжымына ризашылықтарын білдірді.

Досова Сауле

Обаған орта мектебі жанындағы

интернат меңгерушісі